Ez da hain usu gertatzen hainbeste IDOKI etxe ekoizle biltzea ber merkatu lekuan.
IDOKI etxe ekoizleak hogei bat salmahaiekin agertuko dira, Euskal Herriko etxe ekoizpenen ainiztasuna eta kalitatea agertuz :
Egunaldi hortan, erosle eta etxe ekoizleen arteko harreman zuzena bultzatu nahi da giro goxoa sortuz.
IDOKI etxe ekoizle guzi hauek Ezpeletan egonen dira 21. IDOKI feiran.
Aurten ere Euskal Herriko Kolektiboko (EHKO), agroekologian lan diren laborariak gomitatu ditugu. Euskal Herrian ekoizten diren beste ekoizpen batzu ekarriko dituzte : Nafarroako arnoak, safran lilia,...
Erosketak egin ezkero, etxe ekoizpenak irabazten ahal dira eguneko bi zozketetan parte hartuz.
Bazkaria egiten dugu merkatuan diren IDOKI etxe ekoizpenekin. Bazkarian jastatu eta gero erosten ahalko dira zuzenean laborariei.
- Sartzea (barazkiak eta xarkuteria : entselada, tomatea, Kintoa urdazpia, xerri gaintxigorra, patea, ahateki gibel gizena ogi toastatuan).
- Plater beroa (hautuan) : ardikia tomate saltsan / aratxekia axoan / biper eztia arroltze muletan. Lursagarrekin zerbitzatuko dira.
- Deserta : etxeko gasnak eta izozkia.
Hautua : sartzea + plater beroa / plater beroa + deserta : 16 €
edo bazkari osoa : sartzea + plater beroa + deserta : 19 €
Haurren menuan, gurinezko lukainka lursagarrekin eta etxe-izozkia izanen da.
Bazkaria zerbitzatuko dugu eguerdi et'erdi eta biak artean. "Self" zerbitzu-moldeari esker, noiz nahi jaten ahal da tarte hortan. Bazkariteko txartela tokian bertan salgai dira goizeko 10ak et'erditatik goiti.
Laborantxa eta elikaduraren arteko loturaz sensibilisatze urratsak eramaiten ditu SARDE-SARDEXKA elkarte honek (zentsuen deskubritzea, ingurumena, osagarria, kultur ondarrea, kontsumoa...).
SARDE SARDEXKA elkarteak tailer ludiko eta parte hartzailea eramanen du, haurrei bost zentzuak ezagutarazteko asmoarekin. Hortako, IDOKI feiran diren etxe ekoizpena hartu dituzte ikasgai gisa.
Paregabeko animazio lana egiten du Pantxika MAITIAk. Hastapeneko laguntzailea eta 21 urtez, ez du sekulan huts egin IDOKI feiran.
IDOKI etxe ekoizleen kalitate agintza eta etxaldeak ongi ezagutzen dituenez, jendea laguntzen du feira denboran eta jendea egonarazten du ere bazkariten.