IDOKI etxe ekoizleek Euskal Herriko eremuei ongi egokitzen den tokiko erle beltz arrazari (apis melifera melifera) emaiten diote lehentasuna.
Eztia erleek ekoizten duten gai natural bat izanki, IDOKI ekoizleen lana kofoinen osagarri onaz arduratzea eta kalitatezko eztia ekoizteko baldintza onenak direla segurtatzea da.
IDOKI erlezainek haien kofoinen transhumantzia segurtatuko dute, sasoinaren arabera erleek Euskal Herriko landareek eskaintzen dituzten loraldi ezberdinak baliatu ahal izateko. Erleak Euskal Herriko eremuetan ibiliko dira soilik, eremu natural eta salbaietan (tratamendu kimikorik izan ez dituztenak) edo ekoizpen biologikoan zertifikatuak direnak.
Euskal Herriko landarediak eskaintzen dizkigun loraldi ezberdinei (akazia, gaztainondo, mila lore,...) dagozkien kalitatezko eztiak dastatzeko parada izanen dugu beraz.
Azkenik, ekoizleek eztia berreskuratzeko metodo goxoak baliatzeko betebeharra dute. Bilketa heldutasunera heltzean egiten da beraz eta eztiaren ateratzea hotzean iragaiten da, bilketaren ondoko 5 egunetan.
Bideoa Mikela Untsain-ekin Anhauzeko kofoinen inguruan
Mikela Untsainen ekoizpenaren argazki zenbait
Beste IDOKI-ko erlezainak
IDOKI erlezainei buruzko informazio gehiago lortzeko egin klik haien irudi gainean
