Bildotsen sortzea ardiek gasna egiteko esnea ukaiteko baldintza ezinbestekoa bada, bildotsa abendutik maiatzera goza dezakegun janari bikaina da ere.
Bildotsa sortzen delarik, ardiak bere txikia elikatzeko esnea ekoizten du.
Hilabete baten buruan, hazleak bildotsa amaren bularretik kentzen du. Ardiak uztaila arte gasna egiteko baliatuko den esnea ekoizten segitzen du. Ondotik, bildots berria sortuko da azaroa eta apirilaren artean, bost hilabeteko ernaldia eta gero.
Bildotsak, bere amaren bularretik hartutako esnearekin soilik elikatuko dira hilabete batez. Bildotskia kalitate bikaineko haragia da, pixka bat arrosatua. Zinez fina eta samurra, goi mailako sukaldariek eta haragijale mokofinek preziatzen dute.
Ardi hazkuntza kanpokoa eta neurri ttipikoa izan behar da baitaezpada. Ardiak urte osoan kanpoan alhatzen dira eta haien elikadura etxeko bazka eta belar idorrean oinarritzen da, beharrezkoa bada gizenarazteko Euskal Herrian ekoiztutako zerealekin osatzen delarik.
Bideo hau, tokiko arrazak bultzatzen dituen Amalur kolektiboaren baitan ekoiztua izan da.
Ekoizleen potreten gainean klikatuz haiei buruzko informazio gehiago atxemanen duzue