gmail.com
Alison Arraud-k bulegoko lana utzi zuen bizidunarekin harreman hurbilagoa izaiteko. Ttikitatik sukaldaritzarekiko zaletasuna izan du, eta jakin-min zientifikoari esker, elikaduraren beste aldean aritzeko gogoa piztu zitzaion: ekoizle izan nahi zuen. Landesetan sortua, oihan ta zuhaitzen ondoan hazi da. Ikasketa biologikoak egin ondoan, naturarekiko lotura horrek mikologiara eraman zuen.
Senpereko 230 m²-ko tailerrean, Alison-ek espezialitatezko onddoak hazten ditu: pleurotusak, shiitakeak, eta hydne hérisson edo "ezkurraren hortzak", besteak beste. Ekoizpen metodoa guztiz ezberdina da industria mailako Parisko onddoenganik.
Substratua berak prestatzen du: tokiko egur-zurarekin eta Arto Gorri arto hundarrekin. Ondotik, substratua bio ziurtagiridun mikelioarekin inokulatzen du, eta iluntasunean gordetzen du bi astez. Mikelioak bloke osoa kolonizatua duenean, fruitifikazio gelara eramaten du, eta hamar egunez onddoak hazten dira tenperatura eta hezetasun kontrolatupean (65-70 %).
Alisonek eskuz biltzen ditu onddoak, eta fresko saltzen ditu zuzenean, zirkuitu laburrean. Horrez gain, hartzitutako produktuak ere eskaintzen ditu: misoa eta onddoak saltsak, zaporea eta kontserbazioa uztartuz.
Onddo ekoizpenak etengabeko arreta galdegiten du, testura, freskotasuna eta zaporea bermatzeko.
Le Mycéliste-en bidez, Alisonek elikaduraren beste ikuspegi bat proposatzen du: tokikoa, askotarikoa, zaporetsua eta bizidunarekin konektatua. Itzalean hazten den kultura bat, ezagutzea merezi duena.
