IDOKI betebeharrak

IDOKI kalitate agintzak garantiak ekartzen ditu erosleari, lehengai eta etxe ekoizpenen jatorriaz baita laborariaren lan moldetaz.

Salmenta zuzenak konfiantxazko harremana indartzen du etxe ekoizlea eta eroslearen artean.

IDOKI kalitate agintzan sartzen denean, talde dinamikarekin bat egiten da.

Engaiatzen den laborariak etxe ekoizpenen irudi baikorra indartzen du.

Denen onetarako, IDOKI kide bakoitzak promozio urratsetan parte hartu behar du eta IDOKI komunikazio tresnak baliatu behar ditu.

IDOKI kalitate agintzak laborantza iraunkorraren printzipoetan oinarritzen da :

• Etxaldeko produkzione guziek IDOKI araudia bete behar dute.
• Etxaldean, jendearen heineko kopuruak eramaiten dira.
• Etxaldeko abere eta landareak ahalaz lekukoak dira eta eztiki eramanak dira. 
• Lurlanak, kanpoan, sasoinezkoak eta ontze hoberenean uztatuak dira.
• Abereak egun guziz kanpoan ibiltzen dira. Etxeko bazka, bihi eta belarra dute gehienik jaten. Erosi beharretako bazka egin ahala etxaldetik hurbil erosten da (Pirineo-Atlantikoetako departamendua eta Hego Euskal herriaren mugan). 
• Ekai kimikorik ez da baliatzen pentze, larre, belar eta alorretan.
• Jitez moldatuzko organismoak, lurrez kanpoko hazkuntza eta lurgintzak ez dira onartuak.
• Bakarrik kalitateko osagaiak emaiten dira etxe-ekoizpenean. Gehigarri naturalak erabiltzen dira, koloratzaileak eta beiratzaileak debekatuak dira.

Ekoizpen mota bakoitzarentzat, engaiamendu hauek finkatuak dira betebehar zehatzetan eta kanpoko kontrola egitura batek frogatzen ditu.

Bere ekoizpen motako IDOKI betebeharrak betetzeko prest den etxe ekoizleak IDOKItan sartzea galdegiten ahal du :

1. IDOKI kalitate agintza eta bere ekoizpen motako IDOKI betebeherrak zehazki irakurri behar dira.
2. IDOKI arauak betetzen badira, IDOKItan sartzeko galdera idatziz egin behar da elkarteari (IDOKI arau batzordeari)
3. IDOKI arau-batzordeko laborari bat eta elkarteko teknikalariak etxaldearen bisita eginen dute, IDOKI arauetan bermatuko dira galderak egiteko. Etxalde bisitaren bilduma aztertuko du IDOKI arau-batzordeak.
4. IDOKI arau-batzordeak bere iritzia helarazten du elkarteko Administrazio kontseiluari :
   • Baimena emaiten da.
   • Baimena emaiten da, baldintza pean. Kasu hortan, laborariak epe laburra ukanen du bere egin moldea hobetzeko.
   • Baimena ez da emaiten. Derrigorrezko edo debekatutako eginmolde bat ez delakotz betetzen.
5. Elkarteko Administrazio kontseiluak du azken hitza. IDOKI kalitate agintza lortzen duen laborariak, IDOKI komunikazio tresnak baliatu behar ditu eta IDOKIren promozio urratsetan parte hartu behar du.
6. Etxaldean arrengura larria edo kanbiamen nabarmena duen laborariak elkarteak jakinean atxiki behar du. Kanpoko kontrola egiturari galdegin frogak ekarri behar dizkio.

Deskargatu : IDOKItan sartzeko galdera   (324 KB) 

IDOKI kalitate agintza pean sartzeko galdera, idatziz igorri behar da elkarteari :
Euskal Herriko Etxe Ekoizleen Elkartea
IDOKI arau-batzordea
Haize Berri - Bourg - 64 120 Ostabat-Asme / Izura-Azme

Elkarteko teknikalaria zurekin harremanetan jarriko da etxalde bisita finkatzeko.