VAUGON Yann

OIHENARTIA


T. - 06 24 47 44 65
Posta elektroniko : yann.vaugon(at)nordnet.fr
Oihenartia
64 470 TARDETS / ATHARRATZE
Mapan ikusi

Artzain soila naiz. Euskal Herrian bizitzea eta IDOKIn engaiatzea hautatu dut. Laborantzan plantatu nahi diren lurgabeen eskubideak zaindu nahi ditut. Bortua baliatzen duten etxalde ttipiak defenditzen ditut eta kalitatezko ekoizpenak prezio onargarri batean eskaini nahi ditut.

Ariege eskualdean artzain gisa ibili eta Euskal Herrian hainbat ordezketa egin ondoan, artzain soil plantatu da Yann Vaugon. Atharratzen egoiten da neguan eta Arbailetan udan.

Ez dut ez lurrik ez etxolarik : 150 ardi buru beltz besterik ez dut. Artzain soila naiz. Atharratzeko Oihenartia etxaldean egoiten naiz neguan, uda aldiz Arbailetan, Miadore olhan.

Ardiak egun guziz alhatzen dira. Belarra, soroak eta artoarekin bazkatzen ditut. Ardiak eskuz deisten ditut otsailetik goiti. Gasna ahalaz egun guziz egiten dut, bertzean eta eskuz. Gasnak hilabete batez ontzen ditut nihaurek, eta gero Zalgizeko gazitegian ezartzen ditut.

Maiatzean, Bostmendietako Urrutxantzeko etxolara abian naiz. Ardiak zaintzen, deisten eta esnea gasnatzen dut goiz arrats. Bortuko gasnak 5 hilabetez etxolan ontzen ditut Zalgizeko gazitegira iraitsi aitzin.

Ardura zenbera egiten dut, gasna egitean gelditzen den xikota berotuz. Zenbera freskoa arrunt eztia da, gaurko sukaldaritzan erabiltzen da plater sukratu edo gatzatuetan.

Lan guzia baloretan emaiteko : Ossau Irati ardi gasnaren sormarkan, IDOKI kalitate agintzan eta "Saveurs d'estives" markaren partaide naiz. Laborantxa biologikoaren arauak jarraitzen ditut, 2018 urtetik goiti zigulua jartzen ahalko dut ekoizpenetan.

Ekoizpenak

Ardi GasnaFromage de brebis bioCidre et jus de pomme bio
  • Ossau Irati sormarkako etxeko ardi gasna (esne gordinean)
    Bortuko gasna
    Zemerona
  • Jus de pommes et pommes
Salguneak

Etxaldean

Urriaren 15tik maiatzaren 10a arte, Atharratzeko Oihenartian. Maiatzetik urria arte, Arbailetako Miadore etxolan.
Bidaltzeak / igortzeak

Bai.